مشاركة تفريحية : ليه الموبايلات الصينية رخيصة ؟ !!

ليه الموبايلات الصينية رخيصة ؟ !!
من فترة كان كلمة موبايل صيني يعني جودة وحشة او تقليد لموبايل تاني من شكرة معروفة لكن بعد ظهور شركات صينية كبيرة زي Huawei و Xiaomi اللي حققو نجاح كبير في سوق الموبايلات في مصر او برة مصر وبعد ما بقت Huawei ثالث اكبر مصنع للهواتف في عالم بعد samsung و Apple 
واليوم الشركات الصينية اللي قولنها بتصنع موبايلاتها بجودة عالية زي الشركات الكبيرة (اللي بتصنع موبايلاتها في الصين لكنها مش صينية) وبيبقي في فرق كبير في السعر وهي دي الاسباب
1-العمالة الرخيصة.
طبعا اجور العمال في الصين بيبقي ارخص بكتير من اجور العمال في دول اوروبا او امريكا وحتي بدأت سامسونج بتأفيل اجهزتها في الصين علشان توفر شوية بس الشركات الصينية بتصنع كل مراحل الموبايل في الصين من الصنع حتي التقفيل وبكدا بتوفر فلوس كتير فترخص الموبايل
2- التكنولوجيا غير الثورية
معي التكنولوجيا غير الثورية ان الشركات الصينية معظمها مبتبتكرش في الموبايل يعني مبعملش تقنيات جديدة وتعمل التقنيات القديمة الناجحة اللي الشركات الكبية عملتها علشان تتفدي الخسارة لو التقنية دي منجحتش
3-حملات التسويق الصغيرة
دلوقتي شركة samsung و sony و HTC و Apple بتعمل دعاية كبيرة وبتصرف عشرات ملايين الدولارات علشان تجيب ممثل ولا لاعب كرة يعملها اعلان علي عكس الشركات الصينية بتكتفي بالاعلان علي الانترنت و اعلان صغير في التلفزيون
4-البيع عبر الانترنت
الشركات الكبيرة بتصرف فلوس كتير علشان تعمل مراكز بيع في بعض الدول ودا بيخسرها فلوس كتير برضو زي مراكز Apple و Samsung في امريكا لكن الشركات الصينية بتبيع علي النت وبتوفر فلوس بناء مراكز البيع
5-الكميات المحدودة
الشركات الكبيرة بتنتج اعداد كبيرة من الموبايل الجديد بتاعها ولو الموبايل دا متبعش كتير او كان بينفجر زي نوت 7 :-) الشركة هتخسر كتير اوي زي ما Samsung خسرت كدة فالشركات الصينية بتنتج كميات محدودة علشان مفيش حاجة تفيض او يكون في مشكلة في الموبايل تخسرها فلوس كتير
وكدا جبت اكتر اسباب تأكد لكل واحد خايف يشتري موبايل صيني بس اللي بشتري يركز شوية علي مركات صينية معروفة زي Huawei او Xiaomi او infinix كدا يبقي خلصنا